Noivas bonitas que buscan ser diferentes, únicas e rodeadas de moito amor. Noivas que buscan o artesanal, o exclusivo. Vestidos con tecidos exquisitos, con brocados de ilusión, encaixes feitos a man, bouquets diferentes e fermosos, tocados realizados artesanalmente con centos de detalles… e a xoiería para noivas non é menos importante. Todo o contrario, tanto o vestido, como o tocado, como o bouquet, mesmo ás veces os zapatos, quedan gardados con agarimo no fondo do armario, sen máis uso que o do gran día.
A xoiería non, son xoias únicas, que contan algo, que se adaptan aos gustos da noiva ou aos do noivo. Xoias que en moitas ocasións gardan un gran significado.
Xoias en prata de lei feitas con moito mimo para que as luzas sempre que che apeteza.
Se hai algo que me enche de ilusión é crear xoias especiais, pezas que marcan o comezo de algo importante. Deseñadas con amor e ilusión para acompañarvos nun dos días máis bonitos da vosa vida: a vosa voda. Xoias que co paso do tempo crearán unha historia ao redor dela, que serán vista cun aura máxica e que quizá algún día, do mesmo xeito que me sucede a min, será a xoia de mamá ou da avoa.
Pasando a ser unha xoia de familia.
As xoias artesanais, ademais de ser xoias de autor e estar creadas especialmente para ti, son xoias creadas con moito amor, agarimo, feitas con delicadeza e tempo.
Xoias únicas para noivas únicas.
Noivas diferentes que apostan polo tradicional. Encántanme as noivas tradicionais!
Coas súas xoias realizadas en filigrana compostelá, cos seus sapos galegos sobre o seu peito ou nas súas orellas. Coas súas alianzas completamente artesanais. Noivas que brillan con luz propia e déixanse engalanar co máis fermoso da nosa tradición.
Non debemos esquecer que O Sapo é por excelencia a xoia máis importante do século XVIII en Galicia, símbolo de vida, de forza, e sobre todo de muller. Cada sapo que crean as miñas mans representa á muller que acompaña. Única e especial como cada noiva.
Noivas que elixen ser diferentes, únicas, especiais, e sempre con algo de tradición detrás.
“Cando unha noiva ilusionada ponse en contacto comigo erízanseme os pelos!”
Esa ilusión que transmitides é indescritible, ese brillo nos ollos por poder elixir e formar parte do deseño das vosas xoias, esa ilusión, fai que sempre sexa un proxecto apaixonante, inspirador, que me renova e dáme vida para seguir adiante.
Facédesme formar parte da vosa historia e son pezas que nunca se esquecen.
“Noivas bonitas, cheas de vida e de ilusión que confían nas mans artesás para embelecer un dos días máis bonitos da súa vida.”
Non importa se a túa idea é unha xoia sinxela ou unha peza máis elaborada, todas me enchen de amor e sacan o máis creativo do meu interior.
Xoias deseñadas e elaboradas con mimo e con moito entusiasmo desde esa primeira idea que se forxa na miña cabeza, ata o último rozamento da mopa de pulido ao terminar a xoia de autor que vos levará ata o altar.
Son xoias fascinantes porque con elas comeza unha nova historia.
Lembro a primeira noiva ilusionada que chegou a min.
A primeira xoia que creei para unha noiva foron uns pendentes e unha pulseira. Pezas moi especiais que creei con moito nerviosismo por toda a confianza que depositaron en min. Paula chegou ao taller acompañada da súa nai, ela quería uns pendentes en filigrana, cun aire tradicional, pero que levasen o detalle dunhas hojitas, a súa nai casouse cuns pendentes moi simples de follas e quería tela moi presente na súa voda e que a tradición das súas folliñas perdurase unha xeración máis.
Cal foi a sorpresa de Paula, e a miña! cando súa nai entregoume o seu antigo reloxo de prata, reloxo co que se casou, xa avariado e sen posible reparación. Pero coa ilusión de poder aproveitar a correa para crear unha nova pulseira para a súa filla.
“Algo novo e algo vello di a tradición.”
As tres, cheas de emoción, e eu como unha nena con zapatos novos, comezamos a deseñar esas xoias que acompañarían a esa noiva bonita.
Cal é a miña sorpresa, cando Paula chámame aos poucos días con algo novo que lle roldaba pola cabeza. O reloxo era moi especial para a súa nai, creo lembrar que era un agasallo do seu pai para o día da súa voda. E aínda que a correa perduraría no tempo como a pulseira de Paula, o reloxo, vello e estragado, quedaría como un traste nun caixón e iso non podía ser, non llo merecía. Algo había que facer con el. Así comezou o deseño dunha fermosa caixa de filigrana, co mesmo detalle das follas da pulseira e os pendentes, que hoxe garda ese reloxo como a auténtica xoia que é.
Pendentes, pulseira e caixa que garda o vello reloxo hoxe son xa xoias de familia.
Amor de nais a fillas, moitos sentimentos que ás veces nos custa expresar e dos que me facedes partícipe. Ao final, un pouquiño dos vosos sentimentos chegan a min e cálanme, coándose sempre nos deseños e plasmando todos eses sentimentos nesa xoia tan especial.
Aos poucos foron chegando noivas cheas de ilusión, desexando formar parte do deseño e buscando darlle alma a esas xoias especiais. Así chegou María, cuns pequenos pendentes que de nena regaláralle a súa avoa. Prata e acibeche, todos escuros polo paso do tempo. Había que devolverlles o brillo orixinal e crear un colgante para eles. Así naceu o colgante para esta fermosa noiva acompañado da súa gargantilla e a xogo cos seus queridos pendentes.
Tamén chegaron Cris e Gus, coas súas alianzas artesás e os seus marabillosos triskeles. Cris cos seus cegadores pendentes en filigrana para saír da cerimonia en moto. Pero que regalarlle a un noivo Macarra? Pois un martelo de Thor en colgante feito completamente a man, sorpresa gardada ata a mañá da voda.
Noivas con sapos nas orellas e a tradición enraizada no corazón, pendentes dignos de lucir en calquera ocasión.
Outras coa ilusión dun gran sapo convertible en pezas máis de diario.
Así naceu o sapo de Diana, coa ilusión de lucilo xunto a toda a súa familia e amigos este maio de 2020 e a pesar de ter que aprazar a voda e celebrala no máis íntimo, o seu gran sapo vestiu finalmente o seu peito nunha íntima cerimonia.
O sapo de Diana é unha peza moi especial pois garda tres pezas nunha, así, poderá gozar del en todas as ocasións. A combinación de todas as súas pezas dá lugar ao sapo maior. E ao separar o corpo superior dos inferiores temos un colgante e un pequeno sapo que a acompañará onde queira que vaia.
E que me dicides do brazalete de Iria? Peza completamente contemporánea cargada de tradición. Deseñada con moito detalle para un día tan especial.
Pezas todas elas que se converten en xoias de familia e que ademais gardan dentro delas parte do amor co que as deseño e creo.
