A filigrana é unha técnica de xoiería antiga na que se combinan os fíos encaracolados coas diminutas bólas de prata para formar pezas con moita alma.
Estes pendentes están feitos na súa totalidade de forma artesanal. Cada fío formado a man e colocado xunto a cada mini boliña, este proceso artesanal dalle un carácter máxico á xoia final.
Estes aros, abertos na súa parte posterior e terminados en espigo con peche a presión, son moi cómodos de poñer e quitar. O seu sistema de peche tradicional facilítanos a súa colocación sen perder a estética dun aro.
Esta versión mini está feita sobre lámina e a súa filigrana non vai calada. A pátina de óxido xunto a un minucioso pulido e abrillantado, permítenos apreciar toda a beleza e profundidade de todos os seus detalles.
Poderás atopar tamén unha versión mediana e grande destes aros tan especiais.
Ahhhhhh! Canto máis os uses máis bonitos lucirán. Co uso, os seus recunchos volveranse máis escuros. E os seus relevos, os seus fíos e boliñas, brillarán con moita máis intensidade grazas ao rozamento diario. Non os deixes esquecidos nun caixón!
O Ph da nosa pel pode escurecer a prata, se é o teu caso, bota unha ollada aos consellos de conservación e limpeza.
Reseñas
Aínda non hai valoracións.