Este colgante de filigrana compostelá realizado en prata de lei, está inspirado nos aros dá Fonsagrada, unindo a tradición do sapo galego clásico e destas arracadas tan especiais.
Estes pendentes tan característicos, con forma de aro e unha filigrana facendo de reforzo, foron moi populares no municipio da Fonsagrada, Lugo, pois chegaron fai algo máis dun par de séculos para quedar, coñéceselles como os pendentes de Cotío, por ser usados a diario. Pero nesta zona dá Terra Cha creouse a tradición de regalarllos ás nais primerizas.
Así, unindo estas dúas xoias tradicionais, creo un sapo símbolo non só de muller, senón de fertilidade e de maternidade.
Unha xoia chea de luz e significado.
Sapo deseñado e elaborado con moito amor, apaixonada polo significado deste tipo de xoia, dou forma a cada unha das súas curvas con moita delicadeza. Unha auténtica xoia de autor pensada para pasar de muller a muller, de nai a filla. Símbolo de luz, vida e forza.
Déixache levar pola maxia da tradición e asolágache da enerxía das mulleres de outrora sen perder a beleza actual.
O colgante inclúe a cadea.
Sabías que canto máis o uses máis bonito lucirá?: co uso, os seus fondos volveranse máis escuros. E os seus relevos, os seus fíos e bólas, brillarán con moita máis intensidade grazas ao rozamento diario. Non o deixes esquecido nun caixón!
O Ph da nosa pel pode escurecer a prata, se é o teu caso, bota unha ollada aos consellos de conservación e limpeza.
Reseñas
Aínda non hai valoracións.